Feliz fin de ano a todos! Como nesta última semana e media déronse varios acontecementos relacionados co obxectivo da plataforma, aí vai un breve resumo dos feitos.
Resumiremos o acontecido nas últimas semanas dende a filosofía que adoptamos ao nos constituír: centrarnos no noso obxectivo, que é a adquisición para uso público da parcela do antigo hotel Maxi, para permitir que Santa Cruz de Liáns (Oleiros) manteña e amplíe ás espectaculares vistas ao Castelo, á ría á cidade da Coruña, mellorando a calidade de vida dos veciños, aumentando o atractivo turístico do pobo e do concello de Oleiros e axudando conservar e facer accesíbel un patrimonio cultural e paisaxístico que non só nos pertence a nós senón tamén ás próximas xeracións. Para iso apelamos ao dereito da cidadanía a decidir sobre o deseño urbanístico da vila en que desenrolan as súas vidas.
O día 23 de decembro unha rapaza pertencente a plataforma viu estes cartaces na entrada da parcela do Maxi:
E ao día seguinte apareceron estas pedras, impedindo o paso dos coches:
Fronte á decisión do propietario da parcela de prohibir aparcar, temos que dicir que dende a plataforma mencionamos que non se podía cobrar a taxa da ORA por aparcar nun recinto privado, e máis nada. A prohibición de aparcar é unha decisión particular do dono.
Actuacións do concello
A maiores, foron saíndo distintas informacións de prensa nas que se indicaba a apertura de xestións para a adquisición da parcela e como se ía desenrolando o proceso. As novas relacionadas co obxectivo da plataforma agrúpanse na sección "Nos medios", na parte superior dereita. Os feitos sucedéronse así:
- O alcalde, Ángel García Seoane, delegou en Manuel Sarmiento, concelleiro do BNG, a competencia para negociar a adquisición do solar do Maxi, mediante decreto. Este enterouse a través da prensa o domingo 14 de decembro. Na seguinte semana, luns ou martes, recibiu a comunicación. Referencias de prensa aquí e acolá.
- O martes 16 á mañá o concelleiro aceptou a delegación e procedeu a solicitar a documentación prevista para calquera proceso de adquisición dun ben inmoble por unha administración pública. Esta documentación débea elaborar o persoal do concello e inclúe unha taxación na que se lle asigne un valor á finca, a declaración do ben como de interese público e un informe sobre o procedemento administrativo axeitado para a adquisición. Na prensa: ver isto, iso e aquilo.
- O luns 29 de decembro o concelleiro Manuel Sarmiento recibiu unha carta da alcaldía en que se lle urxía a comezar negociacións co propietario da parcela, pero negándolle a documentación para facelo legalmente e indicáballe que simplemente falase co propietario. Na prensa apareceu esta, esa e aquela información.
A carta do alcalde é esta:
Dende a plataforma só pretendemos difundir cal é a situación de cara á adquisición da parcela e solicitar que o proceso de adquisición sexa honesto e cumpra todos os requerimentos legais. O concello ten realizado numerosas adquisicións de terreos, de xeito negociado ou mediante expropiacións, para protexer a costa de construcións que degradasen o medio e a paisaxe, e non pensamos que haxa ningunha razón para que este caso, que afecta ao monumento máis coñecido de Oleiros, o castelo de Santa Cruz, e á súa contorna, teña que ser tratado de xeito diferente.
Reclamamos que, seguindo os procedementos legais e habituais, se faga a taxación do terreo, a declaración de interese público e o informe sobre o procedemento administrativo a seguir. Non son un "sinfín de informes", só tres. O "informe" que inclúe a carta non di que só se poida adquirir por acordo, e o alcalde ten a obriga de defender os dereitos dos veciños, sen someter estes aos intereses dun particular.
Vista do Maxi
![Vista do Maxi](https://blogger.googleusercontent.com/img/b/R29vZ2xl/AVvXsEi1A7pLec-pI0ZgX5l9BsGD8J46o1hnXMehcx4j2MgKRtNDBlZNJgp1dN_OV1WufHORYsWyNwCKpSsV4c6kku-iWNhB_GXORPmONlLE3fcBTmhVZLubLpiWNh2p3U2tLtqYAhcKYlI/s1600/Vista_Castelo_Santa_Cruz_rec2.jpg)
mércores, 31 de decembro de 2014
sábado, 20 de decembro de 2014
Rolda de prensa de presentación da plataforma
Finalmente o venres 19 de decembro ás 4 da tarde, e no propio solar do Maxi, a plataforma Santa Cruz aberta ao mar presentouse oficialmente aos medios nunha rolda de prensa.
Asistiron xornalistas de La Voz de Galicia e de La Opinión de A Coruña, que xa publicaron as informacións correspondentes aquí e acolá.
Para os interesados que non puidestes vir, que sodes a maioría, poñemos o vídeo. Isto permítenos presumir da paisaxe que tentamos preservar, do ben que comunica a nosa voceira Isa e do civismo e saber estar dos membros da plataforma, bebés incluídos.
Asistiron xornalistas de La Voz de Galicia e de La Opinión de A Coruña, que xa publicaron as informacións correspondentes aquí e acolá.
Para os interesados que non puidestes vir, que sodes a maioría, poñemos o vídeo. Isto permítenos presumir da paisaxe que tentamos preservar, do ben que comunica a nosa voceira Isa e do civismo e saber estar dos membros da plataforma, bebés incluídos.
Presentación Santa Cruz aberta ao mar
mércores, 17 de decembro de 2014
Proposta de cartaces para a rolda de prensa
Ola a todos! Co tempo de que dispoñemos e ao non ter moito onde elexir para as fotos de partida, coido que será mellor limitarse aos típicos cartaces de antes e despóis.
O apantallamento da paisaxe é moi obvio, e ata pode ser máis digno, porque se só facemos unha proxeción aproximada ou cun polígono debuxado que dé impresión de forzado, daría mala imaxe.
Irían en dous cartaces de A2, e pódense descargar directamente facendo click co bótón dereito e indicando salvar imaxe:
O apantallamento da paisaxe é moi obvio, e ata pode ser máis digno, porque se só facemos unha proxeción aproximada ou cun polígono debuxado que dé impresión de forzado, daría mala imaxe.
Irían en dous cartaces de A2, e pódense descargar directamente facendo click co bótón dereito e indicando salvar imaxe:
Esta é a versión con edificio
E esta é sen edificio. Síntoo, pero o ceo non estaba moi despexado que digamos
sábado, 29 de novembro de 2014
Documento e planos do estudo de detalle aprobado. Nova pegada
Para quen queira consultar a
documentación orixinal do estudo de detalle aprobado polo concello,
poñémola á vosa disposición nos seguintes enlaces:
Texto refundido do estudo de detalle
Planos da edificación
A maiores, para informar á veciñanza da constitución da plataforma e publicitar os seus obxectivos realizaremos proximamente unha pegada con algún dos seguintes cartaces:
Texto refundido do estudo de detalle
Planos da edificación
A maiores, para informar á veciñanza da constitución da plataforma e publicitar os seus obxectivos realizaremos proximamente unha pegada con algún dos seguintes cartaces:
![]() |
Cartaz próxima pegada |
domingo, 23 de novembro de 2014
Constitución da plataforma
SABEDES QUE...?
- O Concello de Oleiros aprobou unha modificación do Plan Xeral de Urbanismo ex-profeso para beneficiar ao propietario da parcela do Maxi?
- Esta modificación permite aumentar a altura da edificabilidade en 18 metros?
- Esta modificación supón un importante incremento do valor económico da finca, o que repercutiría en que, no caso de querer mercala, o Concello debería pagar ese sobre-prezo?
- A aplicación da ORA no período de verán nese terreo é ilegal?
RECLAMAMOS...
Queremos que a finca do Maxi se recupere definitivamente para uso público, deixando libre a visión na fachada marítima do Porto de Santa Cruz.
Podes cooperar axudándonos a recoller sinaturas con estes formulario. Os links de embaixo permiten descargalos en pdf:
Este é o tríptico de convocatoria da primeira asemblea:
Esta unha foto desa primeira reunión:
E este o cartaz da segunda:
- O Concello de Oleiros aprobou unha modificación do Plan Xeral de Urbanismo ex-profeso para beneficiar ao propietario da parcela do Maxi?
- Esta modificación permite aumentar a altura da edificabilidade en 18 metros?
- Esta modificación supón un importante incremento do valor económico da finca, o que repercutiría en que, no caso de querer mercala, o Concello debería pagar ese sobre-prezo?
- A aplicación da ORA no período de verán nese terreo é ilegal?
RECLAMAMOS...
Queremos que a finca do Maxi se recupere definitivamente para uso público, deixando libre a visión na fachada marítima do Porto de Santa Cruz.
Podes cooperar axudándonos a recoller sinaturas con estes formulario. Os links de embaixo permiten descargalos en pdf:
Este é o tríptico de convocatoria da primeira asemblea:
![]() |
Tríptico de convocatoria da primeira asemblea |
Esta unha foto desa primeira reunión:
![]() |
Primeira asemblea |
E este o cartaz da segunda:
![]() |
Cartaz da segunda asemblea |
Subscribirse a:
Publicacións (Atom)